گلرم شور و نوایه/یوخدی طاقت بو جفایه
آناجان گیتمه بو ایودن/زینبی سالما بلایه
وای ایویمی یخما آنا
وای بو گجه چخما آنا
وای قلبیمی سیخما آنا
وای آنام ایوای
اوج ایدور عرشه فغانیم/قالمیوب صبر و توانیم
هیچ مسافر بیله گیتمز/گیتمه ای روح و روانیم
وای گوزلریم دولدی آنام
وای غصه مرگ اولدی آنام
وای گل کیمی سولدی آنام
وای آنام ایوای
دوشموسن درده گیدورسن/آنا افسرده گیدورسن
هیچ یاراشمیر سنه تابوت/ایله پژمرده گیدورسن
وای هله سینن یارادی
وای قلبی غم پارچالادی
وای ای سینان قول قانادی
وای آنام ایوای
آلیشوب یانیر اورکلر/غصّه لر خونجگر ایلر
قاپیمیز یاناندان آخر/جسموی اریتدی غملر
وای قاپیوا اود وورولوب
وای ضربتیله آچیلبوب
وای اورا قانین یاخیلوب
وای آنام ایوای
زینبی آغلاداجاقلار/ قلبینی یاندیراجاقلار
یثربون اهلی بوگوندن/گجه راحت یاتاجاقلار
وای (بیکَسم)یوخدی دوزوم
وای اشکیله دولدی گوزوم
وای نجه سندن ال اوزوم
وای آنام ایوای
- دوشنبه
- 25
- اسفند
- 1399
- ساعت
- 12:9
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه