گینه باد غم اسوب غملی گلستانیمیزه
گردماتم اوتوروب قامت ایرانیمیزه
قویدی حسرت بیزی سردار سلیمانیمیزه
دست عفریت زمان،تازه جنایت ائلدی
خلق آزاده نی غرق غم ومحنت ائلدی
دوزمدی دشمن دون قاصدوحدت یاشیا
گوره بیلموردی علمدارعدالت یاشیا
قویمادی قاسم آزادهٔ امت یاشیا
بویادی قانه او نام آوری"شیطان بزرگ"
توش ائدوب دردوغمه رهبری"شیطان بزرگ"
ذوالفقاریدی یقین سیدعلینون الینه
بومحن اوت قالادی پیرمغانون دلینه
چوخ صبورانه ولی،دوزدی اونون نیسگیلینه
اقتداریله دئدی، وحدته شوراقوراجاق
آز زماندان صورا آمریکایا سیلی ویراجاق
بیزویران سیلیه دشمن دوزه بیلمز والله
بورا ایراندی،بو یئرده گزه بیلمز والله
یوخدی جولان یئری،مهره دوزه بلمز والله
آنداولاروح سلیمانیه غوغا سالاروخ
بیراشاریله گئدیب کاخ سفیدی آلاروخ
ایندی که معرکه ده کوشش بیحد ائلدوز
غیرت و وحدت عزت یولونی سد ائلدوز
خبروزاولدی؟خط قرمزی سیز رد ائلدوز
ایندی اما اوتوروب سیل خروشانه باخون
جرٲتوز واردی دورون سیلی ایرانه باخون
بیزبوعشق ئولکه سینون اخگریوک آذریوک
هامیمیز گوش به فرمان دمِ رهبریوک
سیزاگر خیبریسوز،بیز هامییز حیدریوک
فرصتوز المیجاق فکر فراره قالاسوز
جزئی فرصت وئریروک نعشوزه تابوت آلاسوز
بیرگون القاعده بیر گونده کی داعش بزه دوز
یمن و سوریه ده ملتی قانه بلَدوز
گاه لبنانه گئدوب گه عراقی دوره لدوز
چپ باخابیلمدوزاما بیزیم ایرانیمیزه
اوخلاروز دگدی بو سردار سلیمانیمیزه
سیزده ای اهل جفا،ذره شرافت یوخوموش
روح مردانگی و عزت وغیرت یوخوموش
روبروجنگه بوسرداریله،جرٲت یوخوموش
غفلتاً ویردوزاوزاقدان،اونی قانه بَلَدوز
قلبیمیزده شهدانین داغینی تازه لدوز
هامی تصویری مجازعالمی گوردی علنی
او شرافت داغینون،قالمادی سالم بدنی
دیورم بو سوزی ماتم بوریه انجمنی
گورنه احواله عدو سالمیشیدی پیکرینی
تاپدیلار تندن اوزاق الده کی انگشترینی
یاروانصاری اونی قانیله الوان تاپدی
یوزی یانمیشدی او اثناده کی یاران تاپدی
بیرفقط نوحه کتابی ،بیرده قرآن تاپدی
مال دنیادن اونون کوله سی والله بوشودی
دفترنوحیه،قرآنه فقط دلخوشودی
تاپدیلارگرچه اونون قانه باتان پیکرینی
ساربان ائتمه دی غارت ولی انگشترینی
باجیسی گورمه دی سرنیزه نون اوسته سرینی
آند اولا شاه شهیدانون اسن پرچمینه
چاتمازهئچ غم بلی دنیاده حسینون غمینه
- پنج شنبه
- 28
- اسفند
- 1399
- ساعت
- 13:39
- نوشته شده توسط
- یوسف اکبری
- شاعر:
-
محمدرضا محمدی (ناعم)
ارسال دیدگاه