ای پناه بی پناهان یا رضا
ای طبیب دردمندان یا رضا
باشیمه چوخدان دوشوب شوق حرم
او گوزل قبریوه قربان یا رضا
من نوکرم سنه رضا رضا
لطف ایله سن منه رضا رضا
سنسن آقا مایه ی عزّت بیزه
ویردی عشقون شأن و شخصیت بیزه
اهل ایران میهماندور سفره وه
اولموسان مولا ولی نعمت بیزه
ای شاه ماسوا رضا رضا
جانلار سنه فدا رضا رضا
ای اولان معصومیه آرام جان
ای گدای درگهی اهل جهان
بیر برات مشهد و کرب و بلا
یاز بو عشّاقه سنی زهرا آنان
باشدا شوق حرم رضا رضا
آدیوی سسلرم رضا رضا
ای کرم کانی امیر ماسوا
سن شه مُلک ولاسن یا رضا
ای اولان آهویه ضامن لطف ایله
جان ویرنده باشیم اوسته گَل آقا
(بیکَسه) لطف ایله رضا رضا
تاپشور عزرائیله رضا رضا
- جمعه
- 29
- اسفند
- 1399
- ساعت
- 21:35
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه