اذن وئرسه منه گر خالق یکتای وَدود
یوللارام محضر پیغمبره اوّلده درود
باشلارام مدح علی دن بئله بیر شعر و سرود
بیر علی کی اونا قورباندی هامی بود و نبود
علی آن شیر خدا شاه ولادی
امیر الامرادی-خطیب الخطبادی
علی ساقی آن چشمه ی پر فیض بقادی
علی درده دوادی-علی مکّه منادی
حقیقت ده علی مروه ده کی ذوق و صفادی
علی کان کرم دی-علی باب سخادی
علی ظالمه خصم و معین الفقرادی
علی دینه فدادی-علی کان عطادی
علی آینه ی رحمت بی حد خدادی
ادیب الادبادی-علی باب رجادی
علی شاه دو عالم-امیر دو سرا دی
علی بدر دجادی-علی شمس ضُحادی
علی بن ابیطالب اوزی پادشه ارض و سمادی
علی حجت داور-علی شافع محشر
علی فاتح خیبر-علی دور کی اولوب جان پیمبر
علی ساقی کوثر-علی ماه منور
خدا ایلوب علینی جهان اهلینه رهبر
علی سید و سرور-علی شیر دلاور
علی دینینه یاور
بیری وقت نبردی اولانمازدی برابر
سیناردی هامی لشگر
فدای رُخ دلبر-بیزه دولدورا ساغر
هامی اهل ولایت بوگون آدینی سسلر
او مشکل آچان اللر اوزی رفع غم ایلر
دیسه هر کیم اورکدن مدد یا علی حیدر
علی شمس امامت-علی نور هدایت
اولوب لطف خدادن علی رهبر امت
اَیا اهلِ ولایت-اولوب وقت سعادت
اولوب وقت تَوَلّا-گلوب وقت برائت
سنی فاطمه مولا بیزه ایله عنایت
اَیا کان کرامت-ائله قبریوه دعوت
ای اسطوره ی غیرت-معمای سعادت
ای ایمانه علامت-امیر بشریت
کرم قیل سنی زهرا اَیا علت خلقت
یاز ایندی بیزه دعوت-نجف بیر اولا قسمت
علی ناطق قرآن-علی بنده ی یزدان
علی معنی ایمان-علی دور اولان اعمالیمه میزان
علی جلوه ی سبحان-علی دور شه مردان
بیزه ایله بیر احسان-اوتور شیعه لرون قان
خدادن اوزون ایسته گله حجت رحمان
اولوب قلبیمیز القان
توکور شیعه لرون قانینی هر یرده بو عدوان
وئرور درس جنایت-وهابیته شیطان
گله صاحب دوران-او فرخنده فر انسان
چکه داعش و وهابی لرین عمرونه مهدی خط بطلان
اورکلرده فغان دی-جفا عرشه دایاندی
او کسلرکی علی حقینی داندی
ووروب اوت قاپی یاندی
اولوب میخ در علّت عیالی یارالاندی
او درگه هله قاندی
اولار باعث بو تفرقه و ظلم عیاندی
بو وهّابی هامی شمر زماندی
جهاندا خفگان دی
بولار حرمله تک اصغره دائم اوخ آتاندی
چو ابلیس جهاندی-یتیش داده اماندی
صد افسوس صد افسوس کی ارباب یوباندی
- جمعه
- 29
- اسفند
- 1399
- ساعت
- 22:13
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه