علی دور اسد الله-یدالله-اُذُن الله
علی دور اولان هر سرّدن آگاه
نه گویچک یارادیبدی-اونی بی بدل الله
علیدور نبوی علمینه بیر جلوه لی درگاه
بهشت اهلیدی هر کیمسه اولا حیدره همراه
ولی دشمن مولا یقیناً اولی گمراه
علی مظهر ذاتِ خدای ازلی دور
علی نور هدایت-علی خَلقه ولی دور
کَلیمه گورونن طوریده کی نور جلی دور
عدالت ده آدی مطلب بین المللی دور
به جز عشق علی بن ابی طالب هامی عشق تماماً بدلی دور
خلایق هامیسی نوکر دربست علی دور
علی شیر شجاعت-علی دور شه مردان
علی همسر زهرا-علی حجت یزدان
علی آدینه اولسون بو (بیکَس)اوزی قربان
بولون داعش و تکفیری و ارهابی و وهابی نادان
علی تک تاپا بولمسوز هیچ انسان
قیامتده علی دور هر اعمالوزه میزان
کیمین اولسا جهاندا پسندیده سرشتی
اولا نطفه سی پاک و مطهر اولا خشتی
محال امری دی دوتسون خِباثاتیله زشتی
نجف ده او گوزل قبری گورن نیلوری واللهی بهشتی
نه معبد نه کلیسا ، نه دیریله کنشتی
قسم ویرم علی جان سنی ذات خدایه
عنایت ائله مولا ، یوزی قاره گدایه
نجف ده ائله دعوت او صحنیله سرایه
ویراخ قول قولا اوردا گلاخ شور و نوایه
بو جمعیله چاغیر بیر منی کربوبلایه
- شنبه
- 30
- اسفند
- 1399
- ساعت
- 9:15
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه