ای هفتمین امام و حجت دین
سندن صفا تاپوبدی دین و آیین
درد جهانه واردی سنده درمان
هرکیم گلوب آلوب دوای دردین
یا باب الحوائج _ یا موسی بن جعفر
بیت ولا اولوبدی باغ رضوان
امام صادقه اولوبدی احسان
بیر غنچه گول گوز آچدی باغ دینده
نه غنچه عالمی ایدوب گلستان
یا باب الحوائج _ یا موسی بن جعفر
ای گلشن ولاده ماه انور
اولماز جهاندا شأنیوه برابر
هرکیم چتین درده دوشه جهاندا
مشکل گشا آدیوی دیلده سسلر
یا باب الحوائج _ یا موسی بن جعفر
بهشته گیتماغا اولار لوازم
ولایتین اولوبدی شرط لازم
قاپوندا نوکر اولماخ افتخاریم
ای سرور جهان امام کاظم
یا باب الحوائج _ یا موسی بن جعفر
کرّوبیان فدای درگهوندی
ذکر ملک ندای درگهوندی
ظاهرده سن هارون اسیری اولدون
هارون اوزی گدای درگهوندی
یا باب الحوائج _ یا موسی بن جعفر
من (بیکسم) جهاندا سن کسیمسن
سن نای دیلده کی منیم سسیمسن
بیر کاظمین براتی یاز حبیبی
مریدیوم عالمده سن بسیمسن
یا باب الحوائج _ یا موسی بن جعفر
- شنبه
- ۳۰
- اسفند
- ۱۳۹۹
- ساعت
- ۹:۲۳
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه