حیرته دوشدی ملائک یکسر
گلوب عالَمه بَتولِ دیگر
شُکر اولا خدای بی همتایه
یارادیب زینَتِ نامِ حیدر
پای ویریب رَبّ ِ جَلیل، زینبی فاطمییه
نقدر واردی بوقیز، فاطمه غم یِمییه
گلوبدی دلدار/حسینه غمخوار
اولا بعد از عبّاس، زینب علمدار
مدد عقیلةالعرب 3
گوندوزه دونوب گینه تیره شَب
وار جهانیده بویوک بیر مطلَب
عَرشیان بو ذکری باهم سَسلیر
یا شریکة الحسین، یا زینب
منزلِ فاطمه نی، ایلیوب غرقِ نَوا
گوزل آدی ویره جاق/خسته دیللره صفا
گلوبدی دلدار/حسینه غمخوار
اولا بعد از عبّاس، زینب علمدار
مدد عقیلةالعرب 3
گول آدی حیدره زینَت، زینب
معدنِ سَهم و صلابت، زینب
بوسوزی دییَر بوتون عاشقلر
افتخارِ بَشَرییت، زینب
عزّت اهلِ ولا، زینبین الینده دی
دعوتِ کرب و بلا/زینبین الینده دی
گلوبدی دلدار/حسینه غمخوار
اولا بعد از عبّاس، زینب علمدار
مدد عقیلةالعرب 3
دیلده چوخدی غمیمیز یا زینب
یوخدی بیر همدمیمیز یا زینب
قسمت اولسا بیزه قبرون، اولار
اوردا بیر عالَمیمیز یا زینب
(بیکَسی) چاغیر خانیم، پوزولان گلشنیوه
دعوت ایله /گینه ده/او گوزل مدفَنیوه
گلوبدی دلدار/حسینه غمخوار
اولا بعد از عبّاس، زینب علمدار
مدد عقیلةالعرب 3
- یکشنبه
- 1
- فروردین
- 1400
- ساعت
- 13:37
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه