بو گجه بیت حق تاپدی آیری صفا
گلدی چون عالمه بیر گول اوزلی بالا
وارثِ نام و یادِ حیدردی
نامِ زیباسی علی اصغردی
باب الحوائج یا علی اصغر
بو بالا گلیبدی زیبِ گُلشن اولسون
یاحسین گوزلرون آقا روشن اولسون
دوزدی کی گویچک آدی اصغردی
سینّی خیردادی اوزی اکبردی
باب الحوائج یا علی اصغر
آناسی،عمّه لر آغوشه آلیبدی
هره بیر دیلیلَن بیر لایلای چالیبدی
زینب سویلردی آتاما بنزر
قاش گوزوندن ده آناما بنزر
باب الحوائج یا علی اصغر
گول یوزوندن اونون مِهر و مَه حیراندی
یقیناً ششماهه هر درده درماندی
دردین اولسا گَل بابِ عطایه
دعوت ایله سین کرب و بلایه
باب الحوائج یا علی اصغر
نورِ حقّ تَجَلّا ایدوبدی بو آیدا
غم،غُصه دیللردن گیدوبدی بو آیدا
(بیکَسه)لطف ایت آتاوا خاطر
قوناق ایله بیر آناوا خاطر
باب الحوائج یا علی اصغر
- یکشنبه
- 1
- فروردین
- 1400
- ساعت
- 16:1
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه