عزیز آل مصطفی / گوزل آدی خون خدا
جهانه گلدون اولاسان / شهنشه هر دو سرا
هر ایکی جهان تاج سریمسن
فخر ایدرم کی رهبریم سن
غصه گونونده یا وریم سن
بو دلیمده کی درده دوا ویر
جنون عشقوه شفا ویر
گل عیدیانه کربلا ویر
حبیب لم یزلی ای فاطمه گوزلی
اگر منی قووسان هارا گدیم آقا جان
حسین حسین آقا جان
خیر النسایه نورعین /اورکده وار شوریله شین
بو عالمی دولاندرور /فقط سنون عشقون حسین
سن امیر ماسوا سن ارباب
سینان دیله صفاسن ارباب
شهید نینوا سن ارباب
واردی چون منیم روی سیاهیم
یوخومدی کیمسنه پناهیم
گل اول منیمده دادخواهیم
نه صومعه نه کِنِشت
یوخومدی میل بهشت
بونی فقط دییرم مزارون عاشقییَم
امیر کُلّ کائنات /کان سخا و برکات
ویریبدی فُطرسه بو گونده /خدا سنه گوره نجات
گوز تیکیب سنه کُلّ ملکلر
آدون اولوبدی زیب فلکلر
سندن اوتور تیتریر اورکلر
یا حسین آقا فخر منا سن
خضره ویرن آب بقا سن
دیده لره نور ضیا سن
پناه عالمیان
واریمدی درد نهان
دیور بو غرق خطا عنایت ایله آقا
اگر چه بایرامدی آقا /اورکده وار شور و نوا
قلبیمیزی قان ایلیوب /مصیبت و درد و بلا
عشقیله جان ویرور جوانلار
مدافع حرم اولانلار
زینبیوین عشقینده یانان لار
دشمنه مقابل دوراجاقلار
ریشه کفری ورواجاقلار
پرچمی قُدسا وروجاخلار
یا سیّد الشهدا
بو (بیکَسه)قیل عطا
نولور کی منده گوروم مدافعِ حرمم
- یکشنبه
- 1
- فروردین
- 1400
- ساعت
- 19:8
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه