گلدی وارث حیدر
اولسون حسینه یاور
هرکیم مشگلده قالسا
گوزل آدینی سسلر
یاابوفاضل مدد
مظهرلطف یزدان
معدن جود و احسان
گلدی اولسون دنیاده
یار شاه مظلومان
ای مه انجم آرا
صولتده شیر خدا
گوز تیکویب اهل عالم
او اوزون قوللاریوا
آقا نه دلرباسن
چوخ شئونه داراسن
هامی شانون بیریانه
سقای کربلاسن
آرام جانیمسان سن
روح و روانیمسان سن
آدیوین عاشقیم
نام و نشانیمسان سن
ای اولان اشجع ناس
وار دیلده شور و احساس
ذلیلانه دیرم
دَخیلکَ یا عباس
(بیکَسم)دوندی حالیم
جوشه گلدی ملالیم
بولمم نولدی دمشقه
اوچدی مرغ خیالیم
دیدمده واردی قانیاش
قان توکور قوم اوباش
قبر زینب خطرده
سسلور ایندی گل قارداش
- دوشنبه
- 2
- فروردین
- 1400
- ساعت
- 22:39
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه