آفرینش شاهکاری،خلقتِ مهدی ده دی
رکن کیهانین بناسی،عزتِ مهدی ده دی
هستیه هستی یارالدیب ربُّ الأعظم اللری
هستیِ هستی اساسی،طلعتِ مهدی ده دی
شرح ائدوب سرّ الجمیلی اول گوزللیک خالقی
معنیِ تام گوزللیک سیرتِ مهدی ده دی
جنّتین سگّیز باغین شهلا گوزونده خلق ائدوب
آیۀ جنّاتُ تجری صورتِ مهدی ده دی
ارتفاع آسمانی قدّینه زینت چکیب
نخل طوبانین وجودی قامتِ مهدی ده دی
صُنع خالقدور وئروب مصنوعه رجحان خلقیده
ارجحیّت نقشی مطلق آیتِ مهدی ده دی
غیرته معنی وئرن غیرتلی مولایه فدا
جمله مستضعف گوزی چون غیرتِ مهدی ده دی
مکتبی سَنله تانیتدیردی خدا حقّ اهلینه
شیعه نون هویتی،هویّتِ مهدی ده دی
هر قاپی چالما پِی اکسیر جاوید حیات
بیمه گاه زندگانی ساحتِ مهدی ده دی
یازما مدح هر بیر گوزل چون،نقطه سنج اول ای(امین)
چون دوام طبعِ شعرون،مدحتِ مهدی ده دی
- دوشنبه
- 2
- فروردین
- 1400
- ساعت
- 23:29
- نوشته شده توسط
- یوسف اکبری
- شاعر:
-
امین اسماعیل زاده ماکوئی
ارسال دیدگاه