عشقیده اولماساخ آواره عبث ایلمیشوخ
قلبیمیز اولماسا صد پاره عبث ایلمیشوخ
جان فدا ایلمسخ یاره عبث ایلمیشوخ
عاشقین قانی گرک عشقیده معلوم اولسون
اؤرگی غم کده ی امّت مظلوم اولسون
نئچه ایل خواب گران،بسدی داخی غفلت لر
بیر بیر اَادن چیخیر انسانه اولان فرصت لر
منتَظَر شاهی احاطه ائلیوب غربت لر
باتمیشوخ لجّه ی دنیایه حذر ایلمیروخ
یوسف فاطمه تنهادی نظر ایلمیروخ
آختاریر حضرت قائم گئنه ده چوخ یاری
دگول انصاف که یالقوز قویاخ او سرداردی
شیعه نون آغلیانی،هم ده اودور غمخواری
آلیشار قلبی او که خالقه اولسون بنده
بیز گناه ایلیخ امّا آقامیز شرمنده
ئورک آئینه سینی صاف ائله نور فرجه
معصیت قویما سالا طینتیوی راه کجه
پِی مهدی بو جهانی دولانیب گئتمه حجه
قلبیوی کعبه ائله عشقیله یاندیر چراغین
مطمئن اول اورا مهدی قویاجاقدور ایاغین
- سه شنبه
- 3
- فروردین
- 1400
- ساعت
- 13:49
- نوشته شده توسط
- یوسف اکبری
- شاعر:
-
امین اسماعیل زاده ماکوئی
ارسال دیدگاه