ساقي منه وئر باده، بو گئجه، تا ياري سالوم ياده
ياريم گلوب ايجاده، بو گئجه، يوخدور تايي دنياده
دلبريم گلوب، سروريم گلوب، رهبريم گلوب
شيعه لره مونسدي
يعني گل نرگسدي
گويدن بو ندا گلدي، بو گئجه، هر قلبه صفا گلدي
بيماره شفا گلدي، بو گئجه، هر درده دوا گلدي
دلبريم گلوب، سروريم گلوب، رهبريم گلوب
شيعه لره مونسدي
يعني گل نرگسدي
دنيايه گلوب مهدي، بو گئجه، مهدي ائله بيل مهدي
سیندرماز آقام عهدي، بوگئجه، مهدي هاميا شهدي
دلبريم گلوب، سروريم گلوب، رهبريم گلوب
شيعه لره مونسدي
يعني گل نرگسدي
سروه ديوري سنبل، بو گئجه، ناراحت اوتورما گول
گلشنده ديور بلبل، بوگئجه،يوخدور بئله گؤيچك گول
دلبريم گلوب، سروريم گلوب، رهبريم گلوب
شيعه لره مونسدي
يعني گل نرگسدي
چون نيمه ی شعباندي، بوگئجه، هر كوچه چراغاندي
مه صورتي تاباندي، بو گئجه، عاشقلري خنداندي
دلبريم گلوب، سروريم گلوب، رهبريم گلوب
شيعه لره مونسدي
يعني گل نرگسدي
بو گل گلِ رضواندي، بو گئجه، مجلسده گلستاندي
عالم بونا حيراندي، بوگئجه، «بهلولي» غزلخواندي
ياز «سيّدبشير» اوركلر اسير، گول عطري گلير
دلبريم گلوب، سروريم گلوب، رهبريم گلوب
شيعه لره مونسدي
يعني گل نرگسدي
- سه شنبه
- 17
- فروردین
- 1400
- ساعت
- 18:28
- نوشته شده توسط
- یوسف اکبری
- شاعر:
-
سیدبشیر حسینی میانجی
ارسال دیدگاه