آلانما بشر دار فنا ارزشی یوخدی
دائم عملون اولسا ریا ارزشی یوخدی
قلبون اولا بی عشق ،طلا ارزشی یوخدی
عرفان یولی بی حبّ ولا ارزشی یوخدی
وار شرطی اگر مدعی سن دین خدایه
عشقون گرک اوّل اولا شاه شهدایه
هر کیمسه که طالبدی چاتا عزّت و جاهه
وقف ایلیه احساسینی لازم دی بو راهه
واجبدی ادب ساخلیا خورشیدیله ماهه
یعنی اولا نوکر فقط عباسیله شاهه
ریبیله گلوب خلقه گوره،وورمویا سینه
خالص اولا عشقی پسر ام بنینه
انوار هدایتدی حسین عاشق مسته
ناب عاشقه عزت ورر ارباب خجسته
شاملدی کراماتی هر اسلام پرسته
اوفتاده اولا کیم نقدر تز چیخار اوسته
آزاده مثالی که زر و زوری بگنمز
زهرا بالاسی عاشق مغروری بگنمز
دقت ائله گر آختاروسان قبله رازی
معیار ائله فعله، عمل شاه حجازی
قان ایچره حسین ئوزدی ولی قیلدی نمازی
واضحدی نمازی آتانا یوخدی نیازی
بیر شه دی حسین ایلدی عالملری آگاه
بیر رکعتی عمرونده قضا اولمادی والله
دنیاده حسین نوکرینون چاکریم من
شاملدی بیزه لطفی اونون شاکریم من
هر بیر گئجه گؤندوز غمینون باکِریم من
فخریم بودی عالم ده حسین ذاکریم من
بی محنتی اولسون بو جوان عمریم حرامیم
دیوانه سرشتم؛آقامین عشقی مرامیم
- سه شنبه
- 3
- فروردین
- 1400
- ساعت
- 13:55
- نوشته شده توسط
- یوسف اکبری
- شاعر:
-
امین اسماعیل زاده ماکوئی
ارسال دیدگاه