یانــــان بو شمعِ قلبیـــن دردینــی پروانه یازمیش
گونو اَبرین دالیندان حس ائدوب مستانه یازمیش
بیلــــر یـــول گؤزلویـَن لر نـــــاله های انتظـــــاری
که بو اشعـــــاری تنهــــــا دیده ی گریانه یازمیش
نچه ایللر صورا گر اهـــلِ شعــــر ایراد ائـــــدرسه
اولار واقف دئسوز بیــــر شـــــاعرِ دیوانه یازمیش
گَلـر بیر گون من ئولّــم که چیخار یاددان دا آدیــم
قـالار بو درد و دل چون عشق جاویـدانه یازمیش
ظهــور ایـــــلر او قائم شاد اولار بیر گون عوالـــم
گورر اهـــــل بصیرت ظلمـــــتـه پایانـــــه یازمیش
چیخار شیعه فراغه باشلیار بیر یول دا خوش گون
دولار شهـــدِ شَهــــی لن نوکـــــره پیمانه یازمیش
بو شـــرح انتظـــــاری گر گـــؤررسه اوندا بیر کس
دییر بو عاشـــــق دیوانـــــه نه افســـــانه یازمیش
ولی بیلمز ((امینی)) آیریلیـــــق دیـــــوانه ائــتدی
اودور صبرین ملالین هر سحـــــر سلطانه یازمیش
- سه شنبه
- 3
- فروردین
- 1400
- ساعت
- 14:16
- نوشته شده توسط
- یوسف اکبری
- شاعر:
-
امین اسماعیل زاده ماکوئی
ارسال دیدگاه