ای خداوندین بهار رحمتی یا مصطفی
انبیا اجلاسینون حیثیتی یا مصطفی
ای سالان قلب دیانت ده توانا بیر تپش
خلقتی اعلاء،سرشتی کبریا،نیکو منش
مجری حق،عاشق دلداه ی یکتا روش
دین اسلامون ازل هویتی یا مصطفی
ای اولان پروردگارین سایه سی اندر زمین
گوردی بی شک جلوه ی اجلالیوی اهل یقین
آدلانیبسان یئر یوزونده رحمة للعالمین
عالمیــنون بی نهایت ثروتی یا مصطفی
گوز که آچدین ظلمت دونیایه وئردین روشنی
ذاتون اقدس دی، مبرّا خلق ائدوب ربّـیم سنی
گورسدیب مخلوقه خالق، بیرده خلق احسنی
ایلیوب سن له مزّین خلقتی یا مصطفی
تا چکیلدی پرده گورسندی جمال انورون
خلقینه وئردی خدا گویا شرافت گوهرون
دولدی احسان و کرم دن لجه سی دریالرون
اولموسان کونین ولیِ نعمتی یا مصطفی
بنیه ی تقوائیله اسلامی بنیاد ایلدون
ظالمی ناشاد ائدوب مظلومی ده شاد ایلدون
مرحبا دونیانی ظلمت دن سن آزاد ایلدون
وئردون آزادی پرسته عزتی یا مصطفی
شوقیله سن ایلدون قرآنه دعوت ملتی
جهلی سیلدون دهریده،ائتدون رواج حریتی
سنله پا برجا دایاندی کعبه نون شخصیتی
ای طوافین باعثِ گرمیتی یا مصطفی
- چهارشنبه
- 4
- فروردین
- 1400
- ساعت
- 19:39
- نوشته شده توسط
- یوسف اکبری
- شاعر:
-
امین اسماعیل زاده ماکوئی
ارسال دیدگاه