آلیبدور جانین ای مولا بوتون جانانه‌لر سندن
گؤروبلر درس عرفانی هامی فرزانه‌لر سندن
خراب و مستِ عشق اولّام،اولا برگزمیمده گر دائم
دولان پیمانه‌لر سندن،می و میخانه‌لر سندن
گونون انواری تک جمله بشر محتاج فیضوندی
نه تنها آشنالر ،راضیدور بیگانه‌لر سندن
سنون عشقین اولوب بیکس‌لرون همراز و دلداری
تاپوبلار سقف آسایش همان بی خانه‌لر سندن
محبت ملکینون دروازه‌سینده یاحسین یازمیش
گؤروبلر اهل دل لر رحمت شاهانه‌لر سندن
مرامون شمع خلقت دی،گزور فوجیله دورینده
آلور نور هدایت جملهٔ پروانه‌لر سندن
کمالون وصفینی عاقل قالا مین ایل یازا بیلمز
تاپور طبعینده شوری من کیمی دیوانه‌لر سندن
- چهارشنبه
- 4
- فروردین
- 1400
- ساعت
- 20:19
- نوشته شده توسط
- یوسف اکبری
- شاعر:
-
امین اسماعیل زاده ماکوئی
ارسال دیدگاه