متن محکوم عدالت دی علی
سرّ محفوظ کتابت دی علی
باغ احساسه طراوت دی علی
مطلع شعر شجاعت دی علی
سؤزده یول ساخلامارام واهمیه
اویمارام سیطره ی همهمیه
آپاروب مدحی علی خاتیمه
آچمیشام دست کمک فاطمیه
شوهر دخت نبوت دی علی
واردی قلبیمده علی عشقی ایزی
شدت عشقی بیلور شاهین اؤزی
مهر و مهتاب عوالم دی گؤزی
عدل و انصافه ترازودی سؤزی
مشی و معیار عدالت دی علی
مشعل فضل عوالم دی علی
حقین اسرارینه عالم دی علی
ملک حریته حاکم دی علی
دئسه بیرده اگر کیم دی علی
سویله خلاقینه آیت دی علی
نئدور حق ازلی سویله‌میشم
امر ائدوب هر نه بلی سویله‌میشم
عزت عُمری جلی سویله‌میشم
بیر حسین،بیرده علی سویله‌میشم
پدر عشق و محبت دی علی
قوی دل غافلی بیرده اویادیم
ساخلاماز غیر علی آدی یادیم
قبل از آنیکه حسین عشقی دادیم
ایکی دنیاده علی چی دور آدیم
بیل حسین عشقینه علت دی علی
کیم علی چی اولا عزتلی اولار
قلبی هر لحظه طراوتلی اولار
شاهینه نوکری زینتلی اولار
علی عاشقلری غیرتلی اولار
صاحب کلمه‌ی غیرت دی علی
کیمه او وئرسه پناه ئولموجک
بیر یول ایلرسه نگاه ئولموجک
تا که مهر ئولمویه ماه ئولموجک
کیم علیــه دئسه شاه ئولموجک
عمریوه مُهر ضمانت دی علی
نوکرون هر گونی خدمت ده گئچر
شاهینه عرض ارادت ده گئچر
ده او که حال سیاحت ده گئچر
بی علی عمری بطالت ده گئچر
بشره راه سعادت دی علی
زاهدا شعریمه ایراد ائلمه
عشقیمی شرک بیلیب یاد ائلمه
پایه سیز بیر ائوی آباد ائلمه
ائو ییخیلسا صورا فریاد ائلمه
پایه ی زهد و ریاضت دی علی
گون گلر عُمر دوشر یادیمیزه
اوخونار قرعه ی مرگ آدیمیزه
اود دوشر ریشه و بنیادیمیزه
چاتان حیدردی او دم دادیمیزه
اختیارینده شفاعت دی علی
شعله ی شمعه یانان دل ییغیشار
دلین اطرافینه نیسگیل ییغیشار
گوللرین دورینه بولبول ییغیشار
شاه لارین قاپسینا سائل ییغیشار
شاه اکرام و سخاوت دی علی
اونا من هر رمضان آغلیارام
لیله ی قدری عیان آغلیارام
قویارام باشه قرآن آغلیارام
دولدوروب قلبیمه قان آغلیارام
سجده ده مرد شهادت دی علی
دردینی همّیشه سالدی ئورگه
دیلینی قویمادیلار سؤز دئمگه
آخدی باشینده کی قانی أتگه
گلمدی کوفه نن اهلی کمگه
سر به سر قلبی جراحتدی علی
دگدی جام علوی غم داشینا
ئوزوگون سیغمادی محنت قاشینا
دیلده کی ذکری دولوب گؤز یاشینا
دگدی محرابیده ضربت باشینا
جان فداکار عبادت دی علی
حضرتین ألده کی امکانی سینیب
امّتین صبریلی قرآنی سینیب
ساقه دن فاطمه ریحانی سینیب
زینبین غملی دلی آنی سینیب
زینبه گؤزده کی حسرت دی علی
بو گئجه زینبه کدر اولاجاق
گوزیاشی بیر به بیر هدر اولاجاق
بختی قارَیدی قرا تر اولاجاق
گلسه حیدر ائوه نئلر اولاجاق
دئمرم دردینی گیزلتدی علی
دردی انبار ائلیوب ساخلاماغی
اشک مظلوم لری یؤخلاماغی
شب نمازینده لطیف آغلاماغی
یارا اوسده یارانی باغلاماغی
مو به مو زینبه اورگئتدی علی
کیم بیلر سؤزلری قابل باشینا
شور عشقی سالار عاقل باشینا
حیدرین سن دولان ای دل باشینا
هر زمان ایله توسل باشینا
باشی گنجینه ی خلقت دی علی
- چهارشنبه
- 4
- فروردین
- 1400
- ساعت
- 20:35
- نوشته شده توسط
- یوسف اکبری
- شاعر:
-
امین اسماعیل زاده ماکوئی
ارسال دیدگاه