بیلمم نه حاله قالدی ابالفضل باوفا
تاب ائتمدی بو حالته جَنّتده مصطفا
قان آغلیوب مصیبتینه شاه لافتیٰ
هَم مرتضیٰ عزایه گلوب هَمده مجتبیٰ
تا تپراق اوسته دوشدی ابالفضل طلاطمه
زهرا جنانی تَرْک ائلیوب گلدی علقمه
اوّل نظر سالوبدی مَهِ آل هاشمه
اوندان دیز اوسته آلدی ابالفضلی فاطمه
لایلای اباالفضیم دیدی هِی سینه داغلادی
هِی سیلدی قان دولان گوزی٬ هِی اوپدی آغلادی
عطر حضور فاطمه عبّاسه جان ویروب
اوُل پاره پاره پیکرینه تازه قان ویروب
قولسوز قالان جنازه سینه بیر تکان ویروب
زهرایه فوق العاده ارادت نشان ویروب
آهسته آچدی قانلی گوزون وئردی تِز سلام
ایستوردی تا او حالیده ده ایلیه قیام
افسوسِ قول یوخیدی ایده تکیه دورماقا
یاکه بلالی باشینه بیر شانه ویرماقا
ناچار قالدی سسلدی ای باغریقان ننه
قربان گَلن قدملروه مهربان ننه
آلدون دیز اوسته باشیمی٬ اوغلوم دیدون منه
زحمت چکوبسن آی ننه٬ قربان اولوم سنه
- پنج شنبه
- 5
- فروردین
- 1400
- ساعت
- 11:22
- نوشته شده توسط
- یوسف اکبری
ارسال دیدگاه