وفالی سردار حسینه غمخوار
گلدیم هرایه قولسوز علمدار
اویان ابوالفضل - گیداخ خیامه - یولووی گوزلر - سوسوز بالالار
ربابین ایندی - سوسوز مارالی - یانور سوسوزدان - بشیکده آغلار
آی کیمی قارداش عجب باتوبسان
حسینی گوزدن ندن آتوبسان
بو قانلی چولده کامه چاتوبسان
اویان - یارالی
فراتین اوسته یولون دوشوبدی
سو اوسته قارداش قولون دوشوبدی
ساغین دوشوبدی صولون دوشوبدی
اویان - یارالی
حسینه سس ویر شیرین سوزوندن
دانیش ابوالفضل منه اوزوندن
علم ییخیلدی اورک سیخیلدی
بو اوخ نه اوخدی دگوب گوزوندن
وفالی قارداش - یارالی قارداش - غبار غمده - بورونموسن سن
سنی بو عدوان - ییخاندا آتدان - یوز اوسته قارداش - سورونموسن سن
بو حالیوه قارداش عالم آغلار
خیمده نازلی رقیّم آغلار
سو مشگیله قانلی پرچم آغلار
اویان - یارالی
مدار غمده نه تز - آخورسان
حسینیوی یاندیروب یاخورسان
گوز آلتی سو مشگینه باخورسان
اویان - یارالی
- سه شنبه
- 7
- اردیبهشت
- 1400
- ساعت
- 19:41
- نوشته شده توسط
- یوسف اکبری
- شاعر:
-
امین اکرمی هاتف تبریز
ارسال دیدگاه