تاپار عالمده عزت هر حسینچی
اولار سلطان بحر و بر حسینچی
بنی اسرائیلون پیغمبریندن
دلیلا افضل و بر تر حسینچی
.
حسینون هاردا باشلانسا عزاسی
حسینیموای دین وقت آشناسی
نچونکه اوردادور زهرا آناسی
گلر معناده اوغلوم وای صداسی
ادب اوردا اولار برتر حسینچی
.
بیری گولسه اگر بزم عزاده
حمایت ایلیور ابن زیاده
کسیک باشه گولن تخم فساده
گولن آغلار یقین دار بقاده
آماندی اولماسین خودسر حسینچی
.
حسینه خاطرهرکیم گیسه قاره
ئورکدن آغلاسا اول شهسواره
چکر اهریمن نفسین مهاره
مگر نامحرمه ایلر نظاره
حسینه آغلیان گوزلر حسینچی
.
حسینچی لذت نفسانی گزمز
کذایی نشئه تینی آنی گزمز
خطادن سر خط شیطانی گزمز
مجازی مست ائدن صهبانی گزمز
ملک لردن آلار ساغر حسینچی
.
قسم سجاده ی شاه حجازه
قسم مقتلده کی قان دستمازه
او مقتلده اولان راز و نیازه
حسینچی پشت پا ورماز نمازه
نماز صبحی چوخ ایسترحسینچی
.
امام صادقین قولین بکادن
دیوم تجلیل اولا اهل عزادن
بویوردی کیم اولا حیض و زنادن
تاپار چوخ فاصله آل عبادن
اولانماز بو ولد آخر حسینچی
.
بیری دیواری کج قویسا بنادن
باشا اگری گئدر تحت سرادن
نهال اکسون نمک زاره خطادن
مسلمدی نتیجه ابتدادن
او وئرمز یاخشی بارو برحسینچی
.
آنالار روضیه ، عزم ایلینده
گئدردوک سینه سینده، سنده منده
اولوب ممزوج گوز یاشی لبنده
او اشکی دادمیشوق پستان امنده
او گون یازدی بیزی مادرحسینچی
.
گزن ای کیمیای عشقی حیران
دولانما (نادرا ) سر در گریبان
حسیندور دردووه عالمده درمان
آماندور قالما سن غفلتده بیرآن
توکر رخساره اشک تر حسینچی
- شنبه
- 5
- مرداد
- 1398
- ساعت
- 14:17
- نوشته شده توسط
- ابوالفضل عابدی پور
- شاعر:
-
حاج نادر بابایی
ارسال دیدگاه