طاها و یاسین اوغلیام
دلبند پیغمبر منم
هم یادگار هل اتیٰ
هم وارث کوثر منم
خلقا وَ خُلقا هیکل
پیغمبره مظهر منم
بی یار و یاور لیلینی
مجنون ائدن اکبر منم
ئوز نیّتیمده ثابتم
للّٰهیلن ٬ فی اللّهیلن
بیر بادپایِ تندرو
رخش و سمندیمدور منیم
لبّیک یاحق سسلین
هر بند بندیمدور منیم
پوزقون پریشان دللره
زلفیم کمندیمدور منیم
قربان عشقم ئوز دلیم
آغزیمدا قندیمدور منیم
دام بلایه ایلرم
حمله دلِ آگاهیلن
آگاه اولون میدانیده
بیز لاف بیجا ویرماروق
بیز آل هاشم عادتا
عهد ایلسوک سیندیرماروق
مردانه دعوا ایلروک
دامِ سیاست قورماروق
کیم قاچسا تعقیب ایتمروک
کیم ویرسا ساکت دورماروق
رحم و مدارا ایلروک
بیز دشمن بدخواهیلن
- پنج شنبه
- 5
- فروردین
- 1400
- ساعت
- 15:37
- نوشته شده توسط
- یوسف اکبری
- شاعر:
-
مرحوم رحیم منزوی اردبیلی
ارسال دیدگاه