علی سینمده کی دیرناق یاراسی خاطرینه
بیر آزدا یات سحرون ماجراسی خاطرینه
سوسوزلار الده سو جامی دیلینده یا عبّاس
دخیل درگه اولوبلار سخاسی خاطرینه
خجالتی سنون عبّاس عمون چکور آرادا
گیدوب اوزاقدا گزور اوز حیاسی خاطرینه
فقط رقیّه باجوندور گلوب گیدن یانووا
اوزین هلاک ایدور اوز دلرباسی خاطرینه
گرک سکینه نون آغوشینه ویرم سنی ده
دخیل درگه ایده اوز آناسی خاطرینه
دیه عمو آنامون چاره سی گیدوب الدن
گوزین تیکوب الیوه التماسی خاطرینه
او خالی مشک لره دقّتیله باخسان
ولو اولا ایکی قطره شفاسی خاطرینه
من آلتی آی سنه صود ویرممیش غذا یمدیم
باغیشلا بو گجه نی غم هواسی خاطرینه
یقین فراتیده ناله ایدور سوسوزلوقوا
یاتانموسن او فراتون صداسی خاطرینه
- پنج شنبه
- 5
- فروردین
- 1400
- ساعت
- 15:43
- نوشته شده توسط
- یوسف اکبری
- شاعر:
-
مرحوم رحیم منزوی اردبیلی
ارسال دیدگاه