حالی حیران اولانین دردینه درمان ننه دی
عالم عشقیده بیر درّ درخشان ننه دی
دوقّوز آی زحمتیوی بطنیده حامل الیین
دوزن هر درده اوساعتده پریشان ننه دی
بالا گر دیل آچا قلبی آنانین چوخ سئوینر
ایدن هرلحضه ئوزون صاحب عرفان ننه دی
آغلویاندا اوشاقی تیز آلار آغوشه اوپر
ویرن ئوز شیرهء جانین او نابیرجان نَنه دی
گر بالا یول یئریینده ییخیلا قلبی یانار
ئُوزون اِیلر سنه هر لحضه نگهبان ننه دی
بالا گر ناخوش اولوب آتش تَبده اوزانا
اونا هرآن ایدن ئوز جانینی قربان ننه دی
یوخوسی گلمه سه طفلین اونالایلای اوخویار
ئوزی یاتماز صبحجک عاشق جانان ننه دی
خاطیرین ساخلاعزیزاولسون اورَکده هرآن
ایاقین ئوپ سنه چون مکتب ایمان ننه دی
حورمتین ساخلافراموش ایلمه زحمتینی
چون قدمگاهی اولارجنّت ورضوان ننه دی
ئولسه ده روحی بالانون دولانار دوره سینه
برزخ عشقیده ده حالینه حیران ننه دی
ای علی اصغر ئوزون خدمت ایله چوخ آناوا
چون دعاسی ایدر اوز حالیوه احسان ننه دی
- یکشنبه
- 8
- فروردین
- 1400
- ساعت
- 11:53
- نوشته شده توسط
- یوسف اکبری
ارسال دیدگاه