بو گون آچیب گوزلرون عالمه شه ولا
علینن حق کعبه ی عشقینه ویریب جلا
شیعه لر گلیب جهانه شاه لافتی
شاد اولوب فرحلنوبدی کل ماسوا
ای عاشقلر شاد اولسون ائللر بوگونده
بو دنیایه گلیبدی حیدر بو گونده
"علیدور عشقیم ایمانیم......علیدی جانیم جانانیم"
بو گون اولوب حیدره زادگه خدا ائوی
اولوبدی کعبه مسلمانلارا ولا ائوی
گلسه عالمه علی بو ائو صفا تاپار
حیدرین آدیله کعبه چوخ بها تاپار
ای عاشقلر شاد اولسون ائللر بو گونده
بو دنیایه گلیبدی حیدر بو گونده
دوزولدی خیل ملائک صفه علی گلیر
دئیلله یا مرتضی هر دفعه علی گلیر
چون علی آدیندا آیری بیر نشانه وار
گر علی واروندی دهریده داها نه وار
ای شیعه لر شاد اولسون ائللر بو گونده
گوز آچیبدور جهانه حیدر بو گونده
"علیدور عشقیم ایمانیم.....علیدی جانیم جانانیم "
- یکشنبه
- 8
- فروردین
- 1400
- ساعت
- 12:50
- نوشته شده توسط
- یوسف اکبری
- شاعر:
-
محمد حیدری امندی
ارسال دیدگاه