ای ساقی طفلان عباس
ای مظهر ایمان عباس
گوزون آچ هرایه گلدیم ای ماهِ بنی هاشم
سنی سسلورم سس ویر منه ای تشنه قارداشیم
عباس عباس عباس عباس
باخورام سراسر پیکرونده نیزه‌دور اوخدور
سنه آغلورام احوالیمه امّا گولن چوخدور
عباس عباس عباس عباس
ای لشگریمون سرداری
سو اوسته دوشن قوللاری
دور ایاقه ای بو چولده غیرتلی علمداریم
سو یولی خییمده گوزلوری لب‌تشنه قیزلاریم
عباس عباس عباس عباس
سوسوزوندان ایندی خیمده آلِ تراب آغلار
یانور اصغریم گهواره‌ده بی‌کس رباب آغلار
عباس عباس عباس عباس
آواره قالوب قارداشون
آلّام دیزیم اوسته باشون
ئوپرم گوزوندن سسلرم وای قارداشیم ایوای
الیمی بلیمده قویموسان جان یولداشیم ایوای
عباس عباس عباس عباس
قشونوم داغیلدی لشگریم حتّی ائلیم سیندی
سنیله دیزیمدن طاقتیم گیتدی بلیم سیندی
عباس عباس عباس عباس
ای یاور آل حیدر
ای شیر خدایه مظهر
اویان ای آنام امّ‌البنینون قهرمان اوغلی
اله آل قلینجون حیدرین شیر ژیان اوغلی
عباس عباس عباس عباس
منی بیربیله اعدا ایچینده قویموسان تنها
نجه خیمه‌گاهه ایندی سن‌سیز من گیدوم آیا
عباس عباس عباس عباس
- دوشنبه
- 9
- فروردین
- 1400
- ساعت
- 12:8
- نوشته شده توسط
- یوسف اکبری
- شاعر:
-
امین اکرمی هاتف تبریز
ارسال دیدگاه