دریای ادب سرور خوباندی ابالفضل
محبوب خدا عاشق جاناندی ابالفضل
عالم اونا نوکردی اودا نوکرحسینه
دین اوسته اولان قانینه غلطاندی ابالفضل
تک فکر ائلمه شیعیه سروردی بومولا
زهرابالاسی عالمه سلطاندی ابالفضل
هم بحروفا کان کرم روح حیادی
قُوی من قوتاریم معنی ایماندی ابالفضل
صود وئردی اونا ام بنین سویلدی اوغلوم
اول نوکر حسینه او سلیماندی ابالفضل
قربان سنی من بسلمیشم کرب وبلایه
کم قویما حسینه او سنه جاندی ابالفضل
بیرجنگ ائلدی کرب وبلاده او دلاور
عالم بیله تا عاشق جاناندی ابالفضل
میدانه قدم قویدی قاچیبلار قاباقیندان
سعداوغلی دئدی حیدر دوراندی ابالفضل
اول بحرنجاست چاغیروب ماردی اول دم
سسلندی یاتوبسان?دوکی طوفاندی ابالفضل
مارد گلوری لرزه دوشوب جانینه اما
چون آگهیدی گوزلری چوخ قاندی ابالفضل
بیر ضربه ویروب مارده چوخ یوخ بیری بسدی
سسلندی حسین شَستیوه قرباندی ابالفضل
قرآن بویوروبدور شهدا ئولمیوب ئولمز
دای من نه یازیم حافظ قراندی ابالفضل
بیر کرب وبلا قسمت ائله (حیدره) نولار
چون کرب وبلا شَهدینه عطشاندی ابالفضل
- پنج شنبه
- 26
- فروردین
- 1400
- ساعت
- 12:24
- نوشته شده توسط
- یوسف اکبری
- شاعر:
-
حیدر صبور زرنقی
ارسال دیدگاه