منیم سولان گولوم - الیمده تشنه سویگولوم
سیزیلداما علی - آز آغلا خسته بلبلوم(2)
بو چولده هامّینی عجب سالوبدی درده سو
تاپیلموری آنان ئوله بو خیمه‌لرده - سو
سو یوللارین اوغول کسوبدی شمر کین شعار
چتیندی قسمت اولسون اهل‌بیته بیرده سو
الیمده چاره یوخ - علی آنان ئولیدی کاش
الیوی باغلادیم - سینمی ایلمه خراش(2)
سویوز بالالارین - سولوب جمالی غنچه‌وش
دیولله یکسره - عمو آماندی العطش(2)
تمام خیمه‌گاهی تک به تک دولانمیشام
سو اولمیوبدی بیر ایچیم بو غمده یانمیشام
گورنده ساقی حرمده تشنه‌دور اوزی
دیينمدیم بالام یانور - اوغول اوتانمیشام
الیمده چاره یوخ - علی آنان ئولیدی کاش
الیوی باغلادیم - سینمی ایلمه خراش(2)
عذاره گوز یاشیم - اوغول فرات تک آخور
آناوی گور نجه - سو موجی یاندیروب یاخور
آنان بتوله مهریدور بو قان اولان فرات
عطش اودوندا اهل‌بیتی یاندیران فرات
دیین اولیدی باخ بو خشک اولان دوداقلارا
ترحّم ایله آخما چوللره اوتان فرات
الیمده چاره یوخ - علی آنان ئولیدی کاش
الیوی باغلادیم - سینمی ایلمه خراش
- دوشنبه
- 9
- فروردین
- 1400
- ساعت
- 12:23
- نوشته شده توسط
- یوسف اکبری
- شاعر:
-
امین اکرمی هاتف تبریز
ارسال دیدگاه