• چهارشنبه 1 اردیبهشت 00

 امین اکرمی هاتف تبریز

ورود به کربلا -(خوش گلوبسن کربلایه زینبیم)

16

خوش گلوبسن کربلایه زینبیم

                خوش گلوبسن نینوایه زینبیم

کربلا دشتی منای عشقیدی

               خوش گلوبسن بو منایه زینبیم

          

توکمه گل رخساریوه گوز یاشلارین

چالما جام صبریوه غم داشلارین 

آغلاما ساغدور هله قارداشلارون

                   ایندیدن گلمه نوایه زینبیم

             

بو همان یردور ویروب جدّیم خبر

دوغرانار ظلمیله جسمیم سربسر

آغلاسان بوردا باجی شام و سحر

                 اوج ایدر ناله‌ن سمایه زینبیم

                   

بو همان یردور منیم ای خواهریم

ظلمیله پرپر اولالار - گللریم

دوغرانار شبه پیمبر - اکبریم

                   آغلارام بیله جفایه زینبیم

                      

بوردا چوخ ظلم ایلیر قوم ظلام

اینجیدر قارداشیوی اشرار شام

اکبرین صد چاک اولان نعشین ییغام

                   من گرک بوردا عبایه زینبیم

                 

غصّه و غم سینه‌می داغلار باجی

حالیمه اهل سما - آغلار باجی

اصغریمی حرمله اوخلار باجی

                   کیم دوزر بیله جفایه زینبیم

   

توپراقا سو تک باجی قانی آخار

یاندیرار بو غم منیم قلبیم یاخار

اللریم اوسته سوسوز جانی چیخار

               باخ او شش ماهه فدایه زینبیم

                  

دوغرانار لب‌تشنه یار و یاوریم

عون و فضل و قاسمیله جعفریم

غرق اولار قان لجّه‌سینده لشگریم

                    نی کیمی گلّم نوایه زینبیم

             

زینبم واردی گینه نچّه نکات

قوی دیوم بوردا سولار باغ حیات

قیزلارا - اعدا - ایدر سدّ فرات

                    باخ گروه اشقیایه زینبیم

                  

بو او یردور زینبا درد و الم 

شدّتیندن ایلیر قلبیم ورم

بیلموسن نه ظلم ایدر قوم ظُلَم

                  صاحب مشگ و لوایه زینبیم

   

چون دوتار عباسیمون دشمن یولون

الده اوخ نیزه همی ساغ هم صولون

جسمیدن اعدا سالار بیر جوت قولون

                   قان آخار دشت بلایه زینبیم

           

بوردا اعدا ئولدورر قارداشیمی

گوزده قانه دوندرر گوز یاشیمی

شمر ذبح ایلر قفادن باشیمی

                 نصب ایدر نوک جدایه زینبیم

                   

بو چولی زینب دوتار قان سربسر

قانلی رخساره آخار اشگ بصر

اللریمی ساربانِ دون کسر

               مرهم اولماز مین یارایه زینبیم

                  

جسمیمی اعدا اوخا آماج ایدر

نیزه‌ده قانلی باشیم معراج ایدر

خیمه‌گاهی قوم کین تاراج ایدر

                    حشر اولار آل عبایه زینبیم

          

"اکرمی" گوزدن توکر اشگ ترین

               ایسلادار گوز یاشلاریلا دفترین

قویما قالسین سینه‌سینده غملرین

             لطف ایله سن اول گدایه زینبیم

  • سه شنبه
  • 10
  • فروردین
  • 1400
  • ساعت
  • 11:57
  • نوشته شده توسط
  • یوسف اکبری

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران