مهپاره بالام آغلاما یات
سینمی گل دیرناقلاما یات
گل - منی چوخ محنته سالما - علی لایلای
یات - ال ایاق سینمه چالما - علی لایلای
سو یوللارینی کسدی عدو
یوخدور داخی بیر خیمده سو
یاندی اوشاقلار سوسوزوندان - علی لایلای
یوخ سویا امکان سنه قربان - علی لایلای
باخ بو دل زاره - وار منده نه چاره
یاندیروب آهون بو جهانی یاخار آغلار
اهل حرم آب فراته باخار - آغلار
ایستمه سو قیمتی جاندی - علی لایلای
حالیوه قیزلار نگراندی - علی لایلای
ایتمه منی شرمنده اوغول
سنده یانیسان منده اوغول
گلمه بیله آه و فغانه - علی لایلای
آب فراتی دونه قانه - علی لایلای
ای - بلبل خسته - یات اللریم اوسته
بو گجه نی صبر ایله اوغلوم سحر اولسون
دردیوه سقا تاپا چاره - آنان اولسون
آغلاما دوشدون داخی دلدن - علی لایلای
وای منه گتسن اگر الدن - علی لایلای
یاز "اکرمی" قیل آه و فغان
وار قلبیده گر درد نهان
بو - سوزی ذکر ایله مکرر - علی لایلای
قلبه بو سوز چوخ اثر ایلر - علی لایلای
- سه شنبه
- 10
- فروردین
- 1400
- ساعت
- 12:26
- نوشته شده توسط
- یوسف اکبری
- شاعر:
-
امین اکرمی هاتف تبریز
ارسال دیدگاه