محتشم بیر گئجه گلدی یوخوما
دیدی بَه بَه، نَه هُنَرزاد اولدون
آدچخاردوب ولی فرهاداولدون
منی حیرتده قویوب سَن گورَن اِیش
اوخ کمان سز، نجه صیاداولدون
گورمه مش کورۀ آهنگری سَن
هانسی اوددا بیله فولاد اولدون
هانسی مکتبده ریاضت چکدون
غیبدن شامل امداد اولدون
تازه لیکده قَلَم آلمشدون اَلَه
آی فلانی نه تز استاد اولدون ؟
سُویلَدیم آی بابا دوران دولانوب
ایش دُونوب ایندی یاتانلاراویانوب
شعراوخوردون سن عَبا چگنونده
غَرق ایدون مَسلک و آئینونده
ایندی شعرون دادی مَن مَن دی فقط
سوزلرون قیمتی اَحسن دی فقط
قوی هَلَه غَبغب ایمز یئلَ لَنسَون
هَرنه یازسام بیری یوخ دیلَن سُون
مَرکب نفسی شتابان سُوریَم
سَندَن آینده می روشن گوریَم
دینمَه دینمَه داخی گُل رنگی سُولوب
ایندی استاد آدی قویماق دَب اولوب
- پنج شنبه
- 12
- فروردین
- 1400
- ساعت
- 12:8
- نوشته شده توسط
- یوسف اکبری
- شاعر:
-
سید تقی سیفی اردبیلی
ارسال دیدگاه