دين و قرآن سوزى واركشورايراندا باجى
باش آچو ق گزمه حيا ايله خياباندا باجى
بورداقانلار توكولوب دين مبين اوستونده
باخمابى دينلره آمريكا و آلماندا باجى
تركى باجي لريمين هامّوسى عفتليديلر
فارسى باجيمدى مخاطب منه ديواندا باجى
آند اولا آللّها قصديم بودى ابلاغ ائليم
او رسالت كه واريمدور بئله دوراندا باجى
يانورام تا سنى پروانه كيمى پرسيز ائدم
منى سن شمع حساب ايله شبستاندا باجى
ائلمه زلف پريشانیوه بوكونلومى تاى
چوخ سوزوم وار سنه بوقلب پريشاندا باجى
من سنون قارداشوام قاره داشا ساتما منى
اوزومى سات سوزومى آل ولى هرآندا باجى
تازه اولدوقجا گناه تازهلنور درد و بلا
ائله دردلر تاپیلور يوخ اونا درماندا باجى
گور نئجه سى دى گلوب ائولرى تسخير ائله دى
كالبا دين ئولدى داليجان مشدايماندا باجى
جاءباطل ذهق الحق عجباً ثم العجب
حق وباطل قاريشوب خلق مسلماندا باجى
مبتذل فيلملرى پخش ائليور تلويزيون
داليسيجان اوخويور قارى قرآندا باجى
بواوزاق مدرسه ابليسه ياخنلاتدى سنى
گورورم سان گئديسن لشكرشيطاندا باجى
هئچ ننون بير دئمورى يارى گئجه هارديدون
قوشولوبدور سنه چونكه او نگهباندا باجى
ساوادون اولسا اوخى سورهى نورى باشاباش
نه ديور گور او حجاب آيه سى قرآندا باجى
بى حصارايلمه عفت باغووى٬ ايله قوروغ
يوخسا گلمز ثمره ميوه او بستاندا باجى
شيشه نين آغزى آچیق اولسااوچارعطرى گئدر
عطرعصمتده اوچار صحنهٔ طوفاندا باجى
سنه شايسته دگول بيع وشراء ايليوسن
نه ساتورسان دى گوروم دكّه ودكّاندا باجى
ساتوسان حجب وحياوشرف وعصمتيوى
وروسان قارداشواتهمت و بهتاندا باجى
قیزلارا اوخشیور اوغلان بو نجه دوراندی
سنيلن ايندى تانينمور بيزيم اوغلاندا باجى
هله اون دوردى ياشون يولداشون يوخدى سايى
پیس نتيجه وئره جاق دورهى پاياندا باجى
بيرتووق الّى خروسيله اگر اولسا تانيش
دن يينمز داش اولار بوغدا چلهداندا باجى
ايندى كى يدّى جوره رنگى ياخوبسان يوزيوه
آچيلوب يدّى قاپى دوزخ نيراندا باجى
گر تمدن ديوسن باش قیچ آچیلماخلقا سن
پس قالوبسان دالى كئچميش سنى حيواندا باجى
راكبى هارداسالوبسان هانى نوخدا پالانون؟
نيه چلپاق گزوسن ...كيمى هرياندا باجى
يا دَدون يوخ ياارون، يا اولارين غيرتى يوخ
گزوسن اوز باشيوا شهر و دهستاندا باجى
هله بوندان بئله زهرايه كنيزم ديوسن
سنى محكوم ائليور قاضى وجداندا باجى
قاپوسى ياندى حجابه گوره زهرا خانمين
سيندى پهلوسى باتوب قانه او بحراندا باجى
باشينون بير توكونى گورمدى نامحرملر
يوزينى گورمدى مقداديله سلماندا باجى
او آنانين قيزى زينبدى حجاب اوسته ئولوب
قمچى لرردى قوليندا قالوب الاندا باجى
باخ رقيه خانیمين عفتينه عصمتينه
اوخويوب مدرسهى شاه شهيداندا باجى
اوحسينون قيزى غم اولدوزى چون يالقوزيدى
اياقى يارهلنوب خار مغيلاندا باجى
مينمَدى تَركينه نامحرمين اوچ ياشدا بالا
ورديلارئولدى اوقيز منزل ويراندا باجى
دوتماسون گربولارين دامننى صدقيلن
سنى عفوايلمزاول خالق سبحاندا باجى
قولاقوندا همشه ساخلا «بشير»ين سوزينى
فارسى قيزلاره ائله ترجمه هرياندا باجى
- یکشنبه
- 15
- فروردین
- 1400
- ساعت
- 20:35
- نوشته شده توسط
- یوسف اکبری
- شاعر:
-
سیدبشیر حسینی میانجی
ارسال دیدگاه