كعبه ده گلدي دنيايه حيدر
نور وئردي گونه آيه حيدر
گؤردولر چوخ باخور مصطفايه
هم اوخور سوره هم آيه حيدر
شاهلارين شاهي حيدردي حيدر
آذري لر بو شاهي چوخ ايستر
لوطف ائدوب خلقه حيِّ تبارك
بو گوزل بايرام اولسون موبارك
آدين آلله سئچيب اوز آديندان
شيعه نين چيخماز اُول آد ياديندان
وار نقَدري يارانميش سؤيندي
كيم دويار بو گوزل ميلاديندان
آديني چوخ دئماقدان يورولماق
ياعلي سسله ماقدان يورولماق
لوطف ائدوب خلقه حيِّ تبارك
بو گوزل بايرام اولسون موبارك
كيمدي حيدر؟ شه اوليادي
شكّسيز اسم اعظمدي آدي
آلّهين اوز ولي سي عليدي
گلدي توحيده اولسون منادي
چون رجبدن سووشدي اون اوش گون
كعبه دن پارلادي بير ايشيق گون
لوطف ائدوب خلقه حيِّ تبارك
بو گوزل بايرام اولسون موبارك
بولبوله سؤيله گولزار آچيلدي
هر نقَدري دوگون وار آچيلدي
فاطمه كعبيه اوز قوياندا
شوقيدان گوردي ديوار آچيلدي
گولدي گوللر ساياقي دوداقي
اوش گون آللّهين اولدي قوناقي
لوطف ائدوب خلقه حيِّ تبارك
بو گوزل بايرام اولسون موبارك
من «بشير»م بشارت واريمدي
شيرِ حقدن اشارت واريمدي
شاكرم آللّها، شاعرم من
اهل بيته ارادت واريمدي
امر ائدوبدور منه «سيّدعليار»
تا يازيلسين عليدن بو اشعار
لوطف ائدوب خلقه حيِّ تبارك
بو گوزل بايرام اولسون موبارك
ياعلي! آديووين وار صفاسي
آديوين ياديون وار صفاسي
كؤنلوموزده بيزيم قالمادي غم
شانلي ميلاديوين وار صفاسي
كعبه ی عشقين انواريوق بيز
چون كي معصومه زوّاريوق بيز
لوطف ائدوب خلقه حيِّ تبارك
بو گوزل بايرام اولسون موبارك
- دوشنبه
- 16
- فروردین
- 1400
- ساعت
- 17:52
- نوشته شده توسط
- یوسف اکبری
- شاعر:
-
سیدبشیر حسینی میانجی
ارسال دیدگاه