اوركدن شاد اولوب بولبول بو آيدا
شكوفا اولدى چون بئش گول بو آيدا
قوشول بولبوللره سن گول بو آيدا
بيزى شاد ايليوب حىّ تبارك
بو اعياد سعيد اولسون مبارك
بو شعبان شيعيه بئش پاى گتيردى
ياغيش ياغدى يئره سئل چاى گتيردى
گونون آرديجا آللَّه، آى گتيردى
حسين گوندور اباالفضل آیدی گویا
گؤرَنمز اونلارین مثلین بو دنیا
بو عالم قطرهدى دريا حسيندور
هامى شاهلار گدا مولا حسيندور
عزيز حضرت زهرا حسيندور
بو آيدا مقدمين شه قويدى فرشه
او شه كه قونداقى زينتدى عرشه
حسينون عشقينه شيدا اباالفضل
گلوب اولسون اونا سقّا اباالفضل
ديون با هم اوركدن «يااباالفضل»
گوز آچدون سن آتان حيدر سؤوندى
حسين عاشقلرى يكسر سؤوندى
گلوبدور پنجم شعباندا سجّاد
سینیق ديللر اولوب عشقندن آباد
مدينه اهلى ديلدن اولدولار شاد
سلام اولسون شهِ دينِ مُبينه
حسينون اوغلى زينالعابدينه
وئريب بير آيرى گول خلّاقِ داور
حسينون گلشنى اولدى معطّر
بو آيين اؤن بيرينده گلدى اكبر
نه اكبر حيدر كرّاره بنزر
یوزیندن احمد مختاره بنزر
گؤزوم ياتماگیلان مولا گلینجاق
تلاش ائت قطره تک، دریا گلینجاق
يولا باخ يوسف زهرا گلینجاق
گلر صاحب زمان غيبتده قالماز
اؤركلر بير بئله محنتده قالماز
مباركدور بيزه اعياد اسعد
اولاندا نيمه ی شعبانِ امجد
گؤز آچدى قائم آل محمّد
دوتوب بو هيئت اهلى جشن ميلاد
«بشير»ين شعرينه دوتمازلا ايراد
- سه شنبه
- 17
- فروردین
- 1400
- ساعت
- 18:25
- نوشته شده توسط
- یوسف اکبری
- شاعر:
-
سیدبشیر حسینی میانجی
ارسال دیدگاه