شرحِ فراقی سینه‌ی مشروح‌دن سوروش
عشقین عقوبتین دلِ مجروح‌دن سوروش
طوفانِ ابتلاده قالان عاشقین حالیـن
کشتی شکسته محنتینی نوح‌دن سوروش
مستِ مِیِ اَلست اولانین پاک ایسته‌گین
فیضِ وصاله چوخ تَلَسَن روح‌دن سوروش
قدّوسْ لفظی ذِکر جَلی‌دیر اینانمیشام
یا هو چکنده لذَّتی سُبّوح‌دن سوروش
فتحُ‌الفُتوحِ قُلّه‌ی عـرفان و عاشقی
اِشراقِ دلده‌کی لبِ مفتوح‌دن سوروش
باخ یئددی شهرِ عشقی گزن بیر وجودو تاپ
سرنیزه اوسته‌کی سرِ مذبوح‌دن سوروش
هردن«قیزیل‌قلم»غزلین‌دن تَرَنُّـمْ إئت
نئ ناله‌سین قریحه‌ی مَقروح‌دن سوروش
- چهارشنبه
- 7
- مهر
- 1400
- ساعت
- 22:32
- نوشته شده توسط
- یوسف اکبری
- شاعر:
-
اکبر ستاری
ارسال دیدگاه