بیر دلبریمیز واردی گوزل آدی اباالفضل
دلبرلره دلدار دل آرادی اباالفضل
بیر آی دی گوزلیکده گونی مات ائلیوبدور
گوزلر اونا قربان گوزی شهلادی اباالفضل
بو آدی دیین دیل لری لال ائتمه الهی
دنیا ده فضیلت لره دارادی اباالفضل
تاریخیده یوخدور تایی بی مثل و بدلدی
آند اولسون او یکتایه که یکتادی اباالفضل
صولتده صلابتده شجاعتده وفاده
آلله بیلوری یکّه و تنهادی اباالفضل
ای تشنه لبان کرم و حقّ و حقیقت
حق تشنه سینه سویملی سقادی اباالفضل
سقالیق ائدر حشر گونی اهل عزایه
سقا لقبی دور اوزی دریادی اباالفضل
ای آذری لر یاخشی بیلورسوز ندی غیرت
غیرت بلی بیر کلمه دی معنادی اباالفضل
سسلن گوزل آدین آلاسان دردیوه درمان
درد اهلی تانور عین مداوادی اباالفضل
هئچ سائلی قیترمز الی بوش قاپی سیندان
بو مطلبه یوخ شکّیمیز آقادی اباالفضل
باخ بو قره پرچملره بیر آغلا حسینه
جان اوسته حسینه باخوب آغلادی اباالفضل
ای ماه عشیره نظر ائت آه بشیره
آهیله دیور: عالمه مولادی اباالفضل
- سه شنبه
- 17
- فروردین
- 1400
- ساعت
- 19:6
- نوشته شده توسط
- یوسف اکبری
- شاعر:
-
سیدبشیر حسینی میانجی
ارسال دیدگاه