سس گلوبدى بوگئجه آللّهيدن آى جبرئيل!
سوّم شعباندى واردور يئرده بير هاى جبرئيل!
شهر يثربده گوز آچدى عرشيمه زينت وئرن
خوش قدوميندن معظّم اولدى بو آى جبرئيل!
آلتى آيدا دوقّوز آيلوق بير يولى طىّ ايليوب
گلمهسيدى تئز، اولاردى شهدلر زاى جبرئيل!
يوسف كنعان اولوب محو تماشا حوسنونه
يوخ گوزلّيكده حسينه دهريده تاى جبرئيل!
کعبه‌دور عاشق‌لره، اُول كعبه‌نى حشره كيمين
هرگون ايلر گون طواف و هر گئجه آى جبرئيل!
گؤر نئجه اولموش سئوینجَک مرتضی و فاطمه
وئرموشم محبوبه و محبوبيمه پاى جبرئيل!
عرض‌تبريك ائتمگه ايلورسن ايندى‌سن هُوول
اذن وئرديم تهنيت وئرماقه گئت داى، جبرئيل!
هر نه واردور سرنوشتينده حسينون بيربه‌بير
بيلمه‌سين زهرا، ولى پيغمبره ساى جبرئيل!
روز عاشورانى تصريح ائت رسوله دل ملول
كربلا آدين دينده سسله اى واى، جبرئيل!
قال اياق اوسته كنارينده حسينون صبح و شام
آغلاسا گهوارده چال فورى لاى لاى جبرئيل!
- پنج شنبه
- 19
- فروردین
- 1400
- ساعت
- 12:52
- نوشته شده توسط
- یوسف اکبری
- شاعر:
-
سیدبشیر حسینی میانجی
ارسال دیدگاه