آتانین قبری‌نین اوسته بیر اوشاق
اوز اوزینه دوشویوردی شاپالاق
کی منیم وار نه آنام نه تانیشیم
کیمیلن پس داریخاندا دانیشیم
کاش، کی غنچا گولیله جوشولا
آتامین روحینه روحیم قوشولا
من بونا آغلامیرام ئولدی آتام
آغلورام من بونا یئر یوخدی یاتام
ئولدی قورتولدی او، یوخسولّوقدان
ولی بیر عدّه گولور بولّوقدان
آتمیش ایل دوزدی دنیزین یئلینه
گلمدی بیر بالیق حتّی الینه
داواسیزلیقدان ئولوب تاپدی مزار
اوچ داواخانه بیزیم تنگه‌ده وار
بونا یانّام کی آتام ئولدی غریب
گلمه‌دی باشینون اوستینه طبیب
قونشولار بیر چوره‌یَه یوخ دئدیلر
قاپی‌نی باغلیاراق تک یئدیلر
گوردولر دوشموش ایاقدان یوخ الی
الینی دوتمادی هئچ کیمسه ولی
او، چورَه‌ک ایسته‌دی سو وئردیم اونا
گورمدیم دامیمیزه قوشدا قونا
هی ثریّا آلی باشماق و لِئچَک
شیشه‌تک قلبیمی سیندیردی فلک
نیه دنیا پاخیل اولدی بو قَدَر
ایسته‌دیم دهریدن آیا نه مگر؟
چوخونا ایندی اولوب پول آلله
دُوو سِئوَن آدم الیندن مین آه
قلمی سنده "بشیر"ا آل اله
"پروین"نین فارسی سوزین ترکی ائله
- شنبه
- 21
- فروردین
- 1400
- ساعت
- 18:35
- نوشته شده توسط
- یوسف اکبری
- شاعر:
-
سیدبشیر حسینی میانجی
ارسال دیدگاه