اِئتمیشوق دشمنی بیز خوار و پَریشان گئجه لر
نه حَماسه یارادیب ملّتِ ایران گئجه لر
ایرانلیلار باش ذلته ، اَگمز
تُپراقینا دشمن اَلی ، دَگمز
مُطیعِ وِلادی
هامی هَمنوادی
اودور جانفَدادی
ایرانلی
?آنا یوردوم ایران (3) ایرانیم?
فکر ائدیب دشمن بی دین بیزی تِئز سیندیراجاق
بیزی سیندیرماقینان کِشوره صاحب دوراجاق
بولمه دی ملّت اونون آغزینا سیلی وُوراجاق
سَگِ زَردی ائده جاق، زار و پشیمان گئجه لر
با صفا رهبریمیز دوزدی کی قانه بویانوب
او قانین بَرْکَتینه، چوخلی یاتانلار اویانوب
ائتدی مبعوث خدا، داغ کیمی ملّت دایانوب
بیزی گوردوقجا دوشور، حیرته دونان گئجه لر
مکتب و دین یولونا عاشق و دلداده بیزوق
چون علی نوکرییوق، دهریده آزاده بیزوق
نئچه آیدی گئجه لر صحنه ده آماده بیزوق
تَرک ائدیب عرصه نی بیز، گئتمروق آسان گئجه لر
بعضیلر ایندیده غَفلتده دی ایکاش اویانا
گَله ایکاش خیاباندا بیزیلَن دایانا
یوخسا بو جنگ قوتولسا گئده جاقلار هایانا؟
حَقّ و باطل ساواشور، یاتما مسلمان گئجه لر
دشمنی خوار ائلماقدی گئجه لر نیّتیمیز
باغلانیب ایندی بو بیرلیقلارا اَمنیَّتیمیز
بیز علی شیعه سیوق واردی بیزیم غیرتیمیز
سَسلروق یا علی حیدر مدد اَلآن گئجه لر
اَلّلی ایلدی بیزی تَحریم ائلیوب دشمنِ دون
نئچه گوندی اولوب امّا اولارین بَختی نِگون
ایندی نوبه بیزیم اولدی ائده روق خوارو زَبون
تَنگه نی باغلامیشوق، قالدیلا حیران گئجه لر
اَسوری پَرچمِ ایران گئجه لر هر طرفه
دَگه جاق تیریمیز آخرده گوزل بیر هَدَفه
جَشنِ پیروزیه باهم گئده روق بیز نجفه
کربلا سَمتینه بیرده گئداق اوردان گئجه لر
- پنج شنبه
- 24
- اردیبهشت
- 1405
- ساعت
- 20:13
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه