قافيله يولاّندی او ساعت قوما
ياغدی ياغيشلار كيمی رحمت قوما
ايله کی بيلدی بو سوزو آل سعد
عازم اولوبدور مهِ عترت قوما
خَزرَجين اوغلو يئتيشيب گور هارا!
یاخشی ائديردی او حكومت قوما
اولدو او خاتونه جلودار اوگون
قويدو قدم كوكب عصمت قوما
بير ایل ايكی يوزدن علاوه اولوب
نور ساچيب نور ولايت قوما
ييرمی اوچه چاتدی ربيع الاول
اولدو عفافين گولو زينت قوما
ایلدی موسی ائوينی طور عشق
دوشدو اودور نور حقيقت قوما
اُول يئره ايندی دئيلير «بيت نور»
غبطه اودور ایليری جنّت قوما
ایلدی اون يئددی گون اوردا عومور
وئردی او آز گونده چوخ عزّت قوما
ای قلم اُول حضرته خوش گلدی ياز
قوم‌لولار ائتدیله نئجه پيشواز
ای گل رضوان قوما خوش گلميسن
زيب گولوستان قوما خوش گلميسن
حُجب و حيانين گؤيونون اولدوزو
ماه درخشان قوما خوش گلميسن
گول سپيری مقدميوه اهل ديل
دلبر خوبان قوما خوش گلميسن
شوقيله پروانهلر عرض ايله‌يير
شمع شبستان قوما خوش گلميسن
حور و فرشته اياقيندان اؤپور
قبله‌گه جان قوما خوش گلميسن
دين قيزی ايمان باجيسی حق قوشو
بنده‌ی سبحان قوما خوش گلميسن
گؤر نئجه قربان كسيری شيعهلر
سئومهلی مهمان قوما خوش گلميسن
بو گونو حاشا اونوداق دهريده
ای بيزه جانان قوما خوش گلميسن
سالما نظردن بيزی معصومه جان
آديوه قوربان قوما خوش گلميسن
شهر سنوندور سنه لايقدی قوم
سنله دؤنه گولشنه لايقدی قوم
تاج سرِ كشور ايراندی قوم
كشوريميزده گوزل استاندی قوم
عالم علمه يول آچانلار بيلير
علميده گوندنده درخشاندی قوم
نور ولانی داغيدير گون كيمی
مصدر برنامهی قرآندی قوم
گلشن علم و ادب و اجتهاد
كوی حق و عزّت و عرفاندی قوم
بوردا مشامه يئتيشير عطر عشق
مبدء راه حق سبحاندی قوم
شهرلری ايله رعيّت حساب
منده دئييم اونلارا سولطاندی قوم
آل رسوله بورا كاشانه‌دی
شيعه‌لره روضهی رضواندی قوم
جلوه‌سينی آرتيق ائديب جمكران
شمع دل آرايه شبستاندی قوم
مدفن اولوب حضرت معصوميه
پس دئيه بيللم كی گولوستاندی قوم
قومدا او مظلومه وفات ايله‌دی
حسرتيلن ترك حيات ايله‌دی
- یکشنبه
- 22
- فروردین
- 1400
- ساعت
- 21:45
- نوشته شده توسط
- یوسف اکبری
- شاعر:
-
سیدبشیر حسینی میانجی
ارسال دیدگاه