ای عزادار سنون بزم عزادور هدفون
حفظِ شخصیّت شاه شهدا دور هدفون
ئورگون سینسا هامی شیعه لری یادوه سال
بزم ماتمده تجلّای دعادور هدفون
هر بیری دانهء تسبیحیدی بو گوز یاشووین
آغلاماق واسطه دی حمد و ثنا دور هدفون
اوزاق اول حاشیه دن متن تولاده دولان
بوشلاما عهدوی اثبات وفادور هدفون
پیشکسوت قاباقیندا باشوی سال اشاقا
حرکاتونله نشان وئرکی حیادور هدفون
"شهریاری" کی ادب آنلامیور شبپَره دی
سن ادب ساخلا اگر نورِ خدادور هدفون
گورسون ابلیس گدوب"محفل"رحمانی قوروب
یاخاسیندان یاپیشوب سویله ریادور هدفون
دئنن ئوجون آچیلوب ملتی آللاتما خبیث
بئله فکر ایلمه پنهان و خفادور هدفون
زُبده معمار دگولسن کی باخوب درک ائده سن
سُست شالوده نون اوستونده بنادور هدفون
ظاهراً گرچی دم از عشق و اِرادت ووروسان
باطناً سکه و دینار و طلا دور هدفون
عقلووی پوچ ائلیوب بادهء شهرت طلبی
نه عزا قصدی واروندی نه بُکادور هدفون
خود نمالیق هارا مداحیِ ارباب هارا
ای کج اندیشهء ناپخته خطادور هدفون
جمع ائله مسخره بازی لری بو معرکه دن
نتراشیده نمایشدی اَدا دور هدفون
قسم آللهه حسینون غضبی دوتسا سنی
گورجکسن کی آدون مثلی فنادور هدفون
- سه شنبه
- 24
- فروردین
- 1400
- ساعت
- 15:52
- نوشته شده توسط
- یوسف اکبری
- شاعر:
-
وفا منافی اردبیلی
ارسال دیدگاه