بو گئجه عالم اولدی چراغان
قلبیلردن محن تاپدی پایان
بو گئجه عالمه گوز اچوبدور
موجب رحمت خاک ایران
آدی موسی الرضا پور جعفر
ضامن آهو دلبند حیدر(2)
جانلارا جسمیده جان گلوبدی
زینت باغ رضوان گلوبدی
پور موسی بن جعفردی بو گل
درد عشاقه درمان گلوبدی
آدی موسی الرضا پور جعفر
ضامن آهو دلبند حیدر(2)
قامتی سرو طوبایه بنزور
صورتی هم گون هم آیه بنزور
ماه کنعان گوره گر جمالون
سسلنر ماه اعلایه بنزور
آدی موسی الرضا پور جعفر
ضامن آهو دلبند حیدر(2)
زینبه وار آقا چوخ علاقم
غرق عصیان وکبر وگناهم
لطف ائله بیر نظرائت رضاجان
باخماسان گر آقا بی پناهم
آدی موسی الرضا پور جعفر
ضامن آهو دلبند حیدر(2)
گورمه میشم آقا نینوانی
کاش گوریدیم اودشت بلانی
«مکتب الصادقین»اهلینه سن
لطف ائله وئر آقا کربلانی
آدی موسی الرضا پور جعفر
ضامن آهو دلبند حیدر(2)
یوسف مصریده وار جلالت
گورسه حسنون چکر چوخ خجالت
«حیدرم»وار منیم چوخ گناهیم
روز محشرده ائت سن شفاعت
آدی موسی الرضا پور جعفر
ضامن آهو دلبند حیدر(2)
- چهارشنبه
- 25
- فروردین
- 1400
- ساعت
- 16:18
- نوشته شده توسط
- یوسف اکبری
- شاعر:
-
حیدر صبور زرنقی
ارسال دیدگاه