حسینون درینده گدا شاه اولار
ستاره دونوب سویملی ماه اولار
ادب سیز حسینچی دونر کاه اولار
حسینه دخیل اول باخار نوکره
شفاعت ائدر آند او یانمیش دره
دئنن من سنه نوکرم یاحسین
گوزل آدیوی ازبرم یاحسین
منه باخماسان نیلرم یاحسین
گوزوم قربان اولسون سپهداریوه
ابالفضل او غیرتلی سرداریوه
نه حاجت واریم ثروته مکنته
دوزر عاشقون طعنیه منته
باخور گوزلریم سن وئرن خلعته
کسیلمیش الیلن بیزی ائت دعا
یاز عشاقه بیر دعوت کربلا
جانیم قربان اولسون ئورک دردیوه
اولوب دفتر عاشق یازان مشقیوه
الیم چاتموری نیلیوم قبریوه
"صبور"تشنه دی نینوایه گله
یعنی غم چولی کربلایه گله
- پنج شنبه
- 26
- فروردین
- 1400
- ساعت
- 11:8
- نوشته شده توسط
- یوسف اکبری
- شاعر:
-
حیدر صبور زرنقی
ارسال دیدگاه