قویدی دنیایه قدم عالمون آقاسی بوگون
آچدی خلقت باغینون اول گل زیباسی بوگون
شادوخنداندی خانم فاطمه طاها گوزلی
چون گوزآچدی خانمون مهدی زهراسی بوگون
سروربطحا گلوری عاشق شیداگلوری
قامتی رعنا گلوری زینت دنیا گلوری
وئرخبر اعدایه قاچون ظالمه اخطار ائلیون
نسلوزی قطع ایلمگه مهدی زهراگلوری
تشنه دی عالم سنه گل داده یاصاحب زمان
شیعنون امّیدی چات امداده یا صاحب زمان
انبیانون مظهری ای کل عالم سروری
بسدی دای هجران یئتیش فریاده یاصاحب زمان
چشم نازیندن آقا مینلر جوره مرجان یاغار
قاره زلفوندن ایا صاحب زمان مین جان یاغار
سیلکه سن گر دامنون ای زینت باغ ولا
مین دنه یعقوب عزیزی یوسف کنعان یاغار
شیعنون جانی فدا یوزدن آخان گوزیاشیوه
مست اولوب فوج ملک آی تک هلالی قاشیوه
جان "حیدر"قربان اولسون ای عزیزفاطمه
دست به سینه جان به کف اوچ یوز اون اوچ یولداشیوه
عشقون اول قدری قویوبدی جانیمه آقا اثر
یاد ائدنده من سنی یاپراق کیمی قلبیم اسر
گر گوره زیبا جمالین یوخدی شکیم مهدیا
شوقیدن مین دفعه والله بارماقین یوسف کسر
- پنج شنبه
- 26
- فروردین
- 1400
- ساعت
- 11:45
- نوشته شده توسط
- یوسف اکبری
- شاعر:
-
حیدر صبور زرنقی
ارسال دیدگاه