کربلا هیئتی لر قبله سیدی
اللهین سویملی بیر جلوه سیدی
کعبه دن باشدی جلالتده اورا
فخر ائدر کعبیه عزتده اورا
اورانون اشبه پیغمبری وار
بوغازی ذبح اولونان اصغری وار
کعبه فخرایلوری کی زمزمی وار
کربلانین اوتانان علقمی وار
او سودان چاتمادی عباس آقاما
اوجا بوی معدن احساس آقاما
کربلا تپراقی امراضه شِفا
اورانون تربتی هر درده دوا
اوردا یاران وفادار یاتوب
یعنی غیرتلی علمدار یاتوب
اورانون جلوه سی عقبایه دگر
تل زینب ایکی دنیایه دگر
خیمه لر اوتدا یانان یئردی اورا
فاطمه اوغلی یاتان یئردی اورا
- پنج شنبه
- 26
- فروردین
- 1400
- ساعت
- 11:47
- نوشته شده توسط
- یوسف اکبری
- شاعر:
-
حیدر صبور زرنقی
ارسال دیدگاه