بو قرا پرچمه جان قربان اولا
جان همی رگده کی قان قربان اولا
آقامون قانه باتان پرچمیدی
علقم اوستونده یاتان پرچمیدی
بو قرا پرچمه من جان دئیرم
قوخماسام آیه قران دئیرم
حشره جک کرب وبلاده اسه جک
ظالمین نسلینی یئردن کسه جک
بو قراپرچمه دیللر اسدی
داعشین نسلینی یئردن کسدی
قول وئروب ساخلادی عباس آقامیز
دیللری داغلادی عباس آقامیز
او زمان کی گوزونه اوخ دگدی
آتین اوسته اوجا قدّین اکدی
دئدی صبرایله بیر آز یاتما عَلَم
گوزیاشیم خون دِله قاتما عَلَم
گوروسن بیر کسی یوخدی آقامون
غصه لر قلبینه اوخدی آقامون
زینبین بختی کیمی گل یاتما
آی عَلَم آی کیمی لطف ائت باتما
ولی افسوس او پرچم یاتدی
آی کیمی علقمین اوسته باتدی
دوندروب قبلیه ساری ئوزونی
چویروب خیمیه ساری یوزونی
دئدی تئز گَل ئولورم قارداش حسین
من یولون گوزلیورم قارداش حسین
باشیم اللرده قالوب آی قارداش
طاقتیم الدن آلوب آی قارداش
گَل باشیم اوسته ولی آغلاماسن
سینوی چوخ داخی دای داغلاما سن
جنگیده چوخلار ئوللّر قارداش
آغلاسان چونکی گوللّر قارداش
- پنج شنبه
- 26
- فروردین
- 1400
- ساعت
- 12:16
- نوشته شده توسط
- یوسف اکبری
- شاعر:
-
حیدر صبور زرنقی
ارسال دیدگاه