ای ام بنین ای چکیلن قلبینه داغلار
ای درد فراقیلن اولان گوزلری آغلار
هِی سسلدین عباس گلر گوزلری باغلار
صدحیف ولی گلمدی اوغلون ملر اولدون
دورد اوغلون ئولوب زندگیده دربه در اولدون
اوغلانلاریوین مثلینی گورمز بو زمانه
اود مِثْلی چکوب داغین،قلبینده زبانه
یوخ بیرننه سن تک گَله گوزیاشلی فغانه
هِی سسلدین اوغلوم ئورگیم قاندی ابوالفضل
بیچاره ننون جانیوه قرباندی ابوالفضل
جان جان نه چکوبسن بالا اوُل یوم بلاده
گوزیاشین آخوب صورتیوه کرب وبلاده
شرمنده اولوبسان بالاسن دشت بلاده
زینب دئیوری بار بلا قدّیوی اگدی
شهلا گوزیوه حرمله نون چون اوخی دگدی
آهن بیرعمودیله سینوب باشون ابوالفضل
سیندیردی باشون همده بولوب قاشون ابوالفضل
اول لحظه آخوبدور یوزه گوزیاشون ابوالفضل
بیکس ننوین جانی اوگوزیاشیوه قربان
نوفل ستمی یاره لین باشیوه قربان
اوغلون سوروشانداسنی دل داغلارام اوغلوم
اول بوش اطاقون هِی آچوب هی باغلارام اوغلوم
آخشاملار اولاندا سنه من آغلارام اوغلوم
یوخ بیرنفر امداد ائده بو قلبی کبابه
شرمنده اولوبسان نه دئیوم ایندی ربابه
باغلاندی منه آی بالا دای راه سعادت
یوخ کیمسه ائده درد دلیم ایندی طبابت
محشر گونی سن (حیدر) یده ایله شفاعت
بوشعری یازوب وار گوزی او دست کرمده
سن قسمت ائله بیردفعه ده یازسون حرمده
- پنج شنبه
- 26
- فروردین
- 1400
- ساعت
- 12:19
- نوشته شده توسط
- یوسف اکبری
- شاعر:
-
حیدر صبور زرنقی
ارسال دیدگاه