آه اوساعتدن طبقده گتدیلر مولا باشین
بیرسلام ائتدی خانم زینب گورنده قارداشین
آلدی آغوشه رقیه توکدی یوزدن گوزیاشین
سویلدی قربانون اوللام خوش گلوبسن آی بابا
سقف سیز ویرانه نی روشن ائدوبسن آی بابا
بختیمیز قاره اولوبدور بابا بس هاردیدون
قولاقیم پاره اولوبدور بابا بس هاردیدون
ایاقیم یاره اولوبدور بابا بس هاردیدون
درد هجرینده بی بیملن من ئورک داغلامیشام
زجر ویرجاق منی ال باشدا بابا آغلامیشام
گئجه لر دای بابا چوخدان یوخی گلمور گوزومه
نصف شب لر اویاناندا دئیورم ئوز ئوزومه
اکبریم هاردا قالوب?یوخدی جوابیم سوزومه
هئچ یتیمون قلبینی الله داخی قان ائتمسین
منکی قارداش سیز قیزام اکبرده نینک گَلمسین
شامیده ظلمین الیندن بابا اسیر اولموشام
دوزدی واردور اوچ یاشیم اما بابا پیر اولموشام
زندگیدن اصغرین جانی داخی سیراولموشام
کربلادن آیریلاندان آی بابا آواریم
کاش عمریم قورتارا من ئولمگه آمادیم
چاتدی مقصوده او جیران قیز ئولوب غمخانه ده
ویردیلار باشه خانملار منزل ویرانه ده
آغلادی زینب همی لیلا او بختی قاره ده
آلدی آغوشه آناسی سسلدی ای وای بالا
اصغره لایلای دیین شیرین زبان،لایلای بالا
قازدیلار قبرین قویوبلار قبرینه آی پاره سین
اوخشادی هامّی بی نوعیلن حسین مهپاره سین
سسلدی زینب آپاردی دشمنی گوشواره سین
شمر الیندن ابر تک دائم دولان لایلای بالا
سسلدی گوشواره سی غارت اولان لایلای بالا
آی خانم زوّارسیز قبره منیم جانیم فدا
لطف ائله جمعی مریض لر دردینه ایله دوا
هر دوشنبه مکتب الصادقده(1) وار دائم نوا
آی خانم زندگیده سن منی چوخ یار ایله
بالاجا قبریوه سن (حیدری) زوار ایله
(1)هیئت با عظمت مکتب امام جعفر صادق علیه السلام شهر زرنق
- پنج شنبه
- 26
- فروردین
- 1400
- ساعت
- 12:31
- نوشته شده توسط
- یوسف اکبری
- شاعر:
-
حیدر صبور زرنقی
ارسال دیدگاه