باجی زینب - بلیم سیندی
ابوالفضلیم شهید اولدی
قولی دوشدی_علم یاتدی
سو مشگی قانیله دولدی
ییخیلمیشدی عقاب اوستن -
بدن یکسر بیچیلمیشدی
اوزوم گوردوم علمدارین
اوجا قدّی کیچیلمیشدی
یانارام زینب - ایدرم ناله - ایله بیرحاله - علم آغلاردی
اوزی گورموردی - باشی اوستونده - اوتوروب زهرا - ننم آغلاردی
دیدیم قارداش - گیداخ بیرده
خیامه گور قیامتدی
دیدی امّا - بالالاردان
ابوالفضلون خجالتدی
دیدیم ایندی رباب آغلار
حرملرده سنی گوزلر
دیدی تاپشور ابوالفضلی
حلال ایتسون علی‌اصغر
یانارام زینب - ایدرم ناله - ایله بیر حاله - علم آغلاردی
اوزی گورموردی - باشی اوستونده - اوتوروب زهرا- ننم آغلاردی
- پنج شنبه
- 2
- اردیبهشت
- 1400
- ساعت
- 13:54
- نوشته شده توسط
- یوسف اکبری
- شاعر:
-
امین اکرمی هاتف تبریز
ارسال دیدگاه