دور ای سرداریم ابالفضل
سپهسالاریم ابالفضل
منیم بو دشت بلاده
اولان غمخواریم ابالفضل
یولون گوزلور خیمه گهده سو جامی الده قیزلار یارالی
ایاقه دور باتما آی دورینده باتار اولدوزلار یارالی
شیر حرم عباس
کان کرم عباس
دور ای کان استقامت
بو چولده دریای غیرت
سسیمه سس وئر ابالفضل
یوموب گوز چکمه خجالت
قسم وئرم من گوزی یوللاردا قالان اول ام البنینه
گئدندن سسلور سنی گوزیاشین توکور رخساره سکینه
شیر حرم عباس
کان کرم عباس
بو نه عالمدی یاتوبسان
عجب مقصوده چاتوبسان
ندن بو چولده یارالی
حسینی گوزدن آتوبسان
باجیم زینب گورمسه قارداش گل جمالیوی سینه داغلار
ئولونجه بو غمده چوللرده سسلر ایوای عباسیم آغلار
شیر حرم عباس
کان کرم عباس
دور ای گللر تک سولانیم
حسینی تنها قویانیم
ایاقه دور بیرده قارداش
سنون باشیوه دولانیم
علم یاتسا تک قالار شاهون دین ایوی بو چولده یخلار
سسیمه سس وئرمسن قارداش غصه دن بو قلبیم سیخلار
وئرن دم «یونس »دی«ِ مردانی» گوزلری یاشلی نوحه خواندی
یازاندا« شیدا» بو اشعاری الله عالمدی قلبی یاندی
شیر حرم عباس
کان کرم عباس
- جمعه
- 8
- مرداد
- 1400
- ساعت
- 10:47
- نوشته شده توسط
- یوسف اکبری
- شاعر:
-
محمدرضا صادقی
ارسال دیدگاه